تقييم شامل جيتور X70 2021 و 2022 -مميزات وعيوب و سعر ومواصفات

مالها اي قطع غيار فالسوق ، واذا رحت الوكالة تعبوك بكثر الانتظار ٥شهور الى سنه

السيارة ممتازة سعر مقابل قيمة

تقريبا كل التفاصيل واضحة

ماعدا اذا كان ماتور السيارة مصفح من الأسفل ام لا وما أهميته وأسباب عدم تواجده

سيارة ثقيلة جدا وصرفية الوقود عاليه ولا يتوفر بها اغلب قطع الغيار

انا هتعبك بس محتاحين ريفيو قوى على jetour X95 وخصوصا الماتريال انا شوفت العربية فى الوكيل طبعا الاسعار لسا مش واضحة بس فى العموم عندى كومنتات كتير على الخامات الداخلية والخارجية بلس العربية very computerized ودا هيخلى الصيانة مش سهلة

رايك يهمنى لانى بثق فيه جدا

في المطلق كده الجيتور قيمه مقابل سعر وتتفوق فنيا وإمكانيات واوبشنز ووسائل أمان وترفيه وسنتين صيانه مجانيه ……الكابتيفا تتفوق فقط في علامه شيفروليه اللي عليها وانتسابها لوكيل اقدم من وكيل الجيتور…..

أولا الشكل مع ان الشكل الخارجي ازواق والحجم الخارجي كبير ويخوفك ازاي هتسوق العربية دي فالزحمة وهتعمل ايه مع التكاتك والموتسيكلات والعربيات اللي بتحب تلصق فيك مش اكتر من سم متر دي 🤔 🌹🌹🌹🌹 لكن اللي بيشوف السيارة علي الطبيعة بيعجب بيها من الوهلة الاولي ومقابلتش حد شافها علي الطبيعة الا وابدى اعجابة بالشكل حتي الخلفية اللي ظاهرة فالصورة انها مستقيمة لكنها فالحقيقة بومبيه وشكلها مختلف علي الطبيعة رأيي انها خلفية جيدة . 🌹🌹🌹🌹 شكل الشبكة الامامية والجنط ال18 عاملين فخامة للشكل الجانبي كان ينقصها الفوانيس الامامية تكون ليد لكن الميزة ان الفانوس دا هيكون سعره ربع فانوس ليد لا قدر الله حصل حاجه لكن فالعموم شكله جيد واضاءة جيدة . وفوانيس الشبورة ليد . 🌹🌹🌹🌹 الارتفاع عن الارض كبير ودا مهم فالمطبات والشوارع المصرية . 🌹🌹🌹🌹 اما بالنسبة للشكل الداخلي محدش هيختلف عليه الجلد موجود فكل مكان الطابلوه البيبان المسند الكرسي عصاة الفتيس والدركسيون. شاشة العشرة بوصة وشاشة العدادات الكبيرة والارقام فيها كبيرة وواضحة . المساحات والاتساع للسائق والراكب الامامي كبيرة ومريحة الكرسي الخلفي مساحاته جيدة وواسعة يستوعب ثلاثة بالغين كويس الكرسي الصف الثالث دا مينفعش كبار ابدا الا في ظروف طارئة واللي قاعد لو شخص بالغ هيكون كوعه عند صدره . يعتبر كرسي اطفال . كرسي السائق هيبقي مريح للناس اللي حجمها كبير لكن انا حاسه كبير عليا ⁦☹️⁩ الارتفاع عن السقف جيد جدا واي شخص طول ميشلش هم الموضوع دا . مساحة الشنطة جيدة جدا قبل وبعد طي الكرسي الصف الثالث مساحة الشنطة بعد طي الكرسي الصف الثاني كبيرة جدا هتحس انك معاك عربيه ربع نقل خلفك .😁 🌹🌹🌹🌹 البانوراما ممتازة والاضاءة الليد الداخليه جيدة الكاميرات ال 360 درجة جيدة لكن شوفت احسن منها . ميزة تحريك منظر الكاميرا في الجوانب مع الاشارات ممتازة 🌹🌹🌹🌹 السيارة بها اتنين ايرباج فقط ودا اسوء عيب للسيارة يشفع لها حاجتين ان بها كل انظمة الامان الخاصة بالفرامل والتوازن والحساسات والكاميرات الحاجه التانية ان في ماركات اغلي وشهيرة فئات فيها معدية ال 400 الف كمان مفيهاش غير اتنين ايرباج ورأيي ان منظومة الفرامل اهم من الايرباج ودي اراء يختلف معايا الكثيرين 🌹🌹🌹🌹 السيارة مفيش زجاج ملون خلفي ودي حاجه غريبه بالنسبة لعربية بالمواصفات والسعر دا 🌹🌹🌹🌹 الفرامل الفرامل مع كل الامكانيات اللي فيها حاسيسها متوسطه لازم تدوس كويس .. لكن مزعلتنيش اعتقد ان حجم العربية عامل اساسي ومع الدوسة الجيدة بتقف علي طول . 🌹🌹🌹🌹 المكيف المكيف جربته من ثلاث شهور في عز الصيف انا شايفه كويس جدا لو ظبط اتجاهاته كويس واعداداته مع ان مؤشرات الهواء مش مريحة في تظبيطها . لان الاول كنت حاسه ضعيف . لما فضيتله ربع ساعه وفهمت اعداداته واتجاهاته اختلف تماما والمكيف الخلفي كمان تبريده معقول . 🌹🌹🌹🌹 السماعات صوتها جيد جدا ولها خيارات للصوت كتير تظبيط الشاشة للفيديو علي امتداد ام بي جي مش هيديك صورة كويسة .لكن الام بي فور ممتاز . 🌹🌹🌹🌹 استهلاك البنزين استهلاك البنزين متوسطه من 8 ل 10 لتر لكل 100 كيلو الاول كان بيوصل ل 12 بس لما مونت وعملت كلير للمعلومات ومشيت 80 كيلو في طريق شوية مزدحم وشوية سالك كانت النسبة بين ال 8 و ال 10 وعلي حجم السيارة استهلاك مرضي وعربيات suv كتير بتكتب استهلاك اقل من كدا لكن علي الطبيعة بتكون اكتر عامة استهلاك مرضي 🌹🌹🌹🌹 الحركة العربية لاول دوسة اللي هيا تقارب ثانية تحسها عايزه تقولك انت نسيت تدوس ؟!!! 🤔 بعد الثانية دي تسحب