سوبارو اكس في

تقييم شامل سوبارو اكس في-ميزات عيوب

تجربة قيادة ومراجعة وتقييم آداء ومواصفات سوبارو XV

سوبارو اكس في
سوبارو اكس في

تقييم سوبارو اكس في

سوبارو اكس في المرة الأولى التي تكشف فيها سوبارو عن سيارتها من فئة الكروس اوفر XV عام 2011 في Auto show بنيويورك . مما اسفر عن نجاح السيارة في دول شرق اروبا وجتيحها السوق الأوروبية بالكامل . وتأتي السيارة في مصر عام 2013 بشكلها الجديد الأكثر هجومية واكثر رياضية 5 أبواب ارتفاع مناسب للطرقات المصرية .

أداء المحرك والمواصفات لسيارة سوبارو XV

  • تأتي السيارة بمحرك SUBARU BOXER 1600 سعة 1600 سي سي .
  • قدرة حصانيه 114 حصان نفس محرك السوبارو امبريزا نفس العام .
  • بناقل حركة اوتامتيك lineartronic وناقل حاركة عادي .
  • في حال الXV يختلف الامر عن الامبريزا في التسارع .
  • امبريزا من 0الى100 في 12.4ثانية اما الXV من 0الى 100 في 16ثانية والفارق واضح في الوزن لاختلاف حجم المقصورة بين الامبريزا وال XV

الثبات والمناورة لسيارة سوبارو XV

تأتي سوبارو اكس في بنظام تعليق الامبريزا . مع ارتفاع العجلات وبعض التعديلات ليلائم الشكل الجديد . السيارة تناور بشكل جيد ثباتها جيد على السرعات المرتفعه . هناك بعض العيوب ان السيارة صلبة قليلاً في الطرقات الوعرة .
السيارة تعتبر من افضل السيارات على الاطلاق من ناحية الثبات في فئة السيارات الكروس اوفر.
المنافس الحقيقي من ناحية الثبات هي الفورد كوجا والسيارتان بنفس مستوى الثبات الاكثر من رائع

التصميم الداخلي والخارجي وانطباعات القيادة لسيارة سوبارو XV

تعطي سيارة سوبارو اكس في انطباعات عديدة مثلا ارتفاعها إنها سيارة كروس اوفر . ايضاً تسارع السيارة جيد بالنسبة لسيارة كروس اوفر . خامات جيدة تقفيل السيارة جيد . مقاعد السيارة مريحة للقيادة فترات طويلة ابعاد السيارة مرئية جميعها . من عيوبها فقط سعر إعادة البيع في مصر

قيمة مقابل سعر سيارة سوبارو XV

  • تأتي السيارة بفئتين في مصر الفئة الاولى تأتي بسعر يبدأ من 199.900جنيه . الفئة الثانية تأتي بسعر 224.900جنيه . هذا السعر التنافسي لسيارة سوبارو اكس في يجعل منها محط انظار كل عشاق السيارات الكروس اوفر توفر السيارة إمكانيات عديده مع ارتفاع جيد خصوصاً في الطرقات المصرية
    أسعار بعض قطع الغيار الهامة و الشائعة
    • فلتر هواء ( إمبريزا – XV): ١٤٠
    فلتر تكييف ( إمبريزا – XV): ٢٥٠
    فلتر زيت ( إمبريزا – XV): ٦٧،٧٦
    إكصدام أمامي ( إمبريزا – XV): ١٥٠٠
    إكصدام خلفي ( XV): ١٤٥٠
    إكصدام خلفي ( إمبريزا): ١٦٧١
    تيل أمامي ( إمبريزا – XV) : ٦٥٠
    تيل خلفي ( امبريزا – XV) : ٤٥٠
    فانوس أمامي ( إمبريزا – XV): ٢٢٠٠
    فانوس خلفي ( XV):١٣٦٧
    ريدياتير (إمبريزا – XV): ٢٠٠٠
    مساعد أمامي (XV): ١٣٠٠
    مساعد خلفي (XV): ٧٩٨
    فلتر بنزين ( إمبريزا – XV): ٣٦
    سير المجموعة (إمبريزا – XV): ٣١٥
    بالاضافة الى 10% ضريبة مبيعات

تغطية الصيانة وضمان وجودة سيارة سوبارو XV

السيارة يابانية الصنع . تأتي بخامات جيدة بالنسبة للسيارات المنافسة لها في نفس الفئة . جودة يابانية معروفة منذ ان نشأت السيارة . سيارة ذات تاريخ عظيم في تاريخ صناعة السيارات العالمية اليابانية . لكن لسوء الحظ انها غير منتشرة في مصر بشكل كبير وهذا ما يجعل سعر إعادة البيع قليل وهذا من اقوى عيوب السيارة

مواصفات وعوامل الأمان والسلامة لسيارة سوبارو XV

ABS و EBD و EBA و ESP اللي هو VDC في subaru ودة غير وسائد الهواء مقابل 6 لل impreza . وغيرها من وسائل الامان المتوافرة في السيارة وحصلت ايضاً على 4من5 في اختبارات EURO NCAP لهذا العام وافضل حماية للسائق وكرسي الاطفال

سوبارو اكس في
سوبارو اكس في

تصميم الكابينة الداخلية لسيارة سوبارو XV

ترى تصميماً فريداً خاصأ بسوبارو ْXVوالكونسول الداخلي للسيارة مريح ويعمل لتلبية جميع مطلبات السائق بأبسط حركة . وابعاد السيارة من خلف عجلة القيادة رائعة حيث القدرة القوية على التحكم في الالتفاف وتفادي السيارات الاخرى

الرحابة والاتساع لسيارة سوبارو XV

تأتي السيارة بأبعاد جيدة السيارة كافية ل5اشخاص عاديين او 4 اشخاص بالغين . مساحة التخزين جيدة الفرش الداخلي فخم ومريح  يعيب السيارة فقط صغر مساحة الكنبة الخلفية والشنطة مقارنة بالسيارات المنافسة في نفس الفئة
الطول : 4.580مم
العرض : 1.740مم
الارتفاع : 1.65مم
مساعة التخزين : 405لتر

شاهد أيضًا: زيادات جديدة في سوبارو اكس باسعار تتجاوز 9 ألف جنية 

مواصفات وكماليات ومميزات سيارة سوبارو XV

الفئة الاولى Full option
جنوط 15بوصة-DIN Audio system مع اربع سماعات
الفئة الثانية HIGHLINE
جنوط المونيوم 16بوصة -DIN audio system مع ستة سماعات -bluetooth
زجاج ملون للأبواب الخلفية للخصوصية
لمبات اضائة خلفية
عجلة قيادة مغطاه بالجلد وايضاً ناقل الحركة مزودة ب2وسائد هوائية
السيارة بجميع فئاتها مزودة بكل الكماليات المعروفة من تكييف هواء -Aux-نظام مانع السرقة.

مميزات سوبارو اكس في

  • تمتاز سوبارو اكس في بارتفاعها الكبير عن الأرض الأمر الذي يعطيها القدرة للسير على الطرق الوعرة الغير ممهدة.
  • من السيارات التي تعطي راحة للسائق؛ بسبب جودة الصناعة التي فيها الخاصة بالمقاعد وكل الكماليات الموجودة في السيارة.
  • بها نظام ترفيهي به تقنيات سهلة الاستخدام الأمر الذي لا يشتت السائق أثناء قيادته في الطريق.
  • تمتاز بوجود خاصية الدفع الرباعي الشيء الغير موجود في الكثير من سيارات الفئة السعرية التي تنتمى لها.
  • كما أنها تتماز باتساع المقصورة الداخلية الأمر الذي ينعكس بالفخامة والراحة على راكبيها.
  • كما أنها قليلة الأعطال بسبب الإتقان الملاحظ في كل ما بها، فتحتوي السيارة على صاج قوي لا يتلف سريعًا في حالة التصادم.
  • مساحات التخزين كبيرة وخصوصًا مساحة الشنطة الخليفة فتكفي لحمل الكثير من الأغراض الأمر الذي تحبه العائلة المحبة للسفر والتنقل لمسافات طويلة.

عيوب سوبارو اكس في

  • تسارع السيارة بالمحرك الأساسي على الطرق السريعة بطيء ويتفوق عليه الكثر من السيارات المنافسة في نفس الفئة السعرية.
  • المعالجة ليست دقيقة فهناك العديد من العديد من المنافسين يقدموا معالجة أفضل.
  • على الرغم من شكل المقصورة الرائع إلا أن به العديد من المواد البلاستكية الغير مناسبة للفئة السعرية التي تنتمى لها السيارة.
  • أسعار قطع الغيار مرتفعة وكذلك أسعار الصيانة الدورية تعد الأعلى بالمقارنة بالمنافسين.
  • ارتفاع سعر سوبارو اكس في قليلًا بالنسبة للكماليات والمواصفات التي تقدمها.

أسعار سوبارو اكس في 2021

  • سعرها في جمهورية مصر العربية يبدأ من 419 ألف جنية مصري إلى 499 ألف جنية، ويختلف السعر على حسب الفئة التي تنتمى لها السيارة.
  • يتراوح سعر السيارة في في المملكة العربية السعودية من 96.800 ألف ريال إلى 117.695 ألف ريال سعودي.
  • سعرها في دولة الإمارات العربية المتحدة من 83.990 إلى 95.000 ألف درهم إمارتي .

الصفحة التالية: إعرف تفاصيل ومواعيد الصيانة الدورية للسيارة

تقييمات وتجارب وآراء الملاك وقائدي السيارات

الضوضاء الداخلية

Rated 4 out of 5
فبراير 21, 2022

كان معي سوبارو xv 2021 اعلي فئة ولكن للاسف بعتها علشن الضوضاء داخل العربية لا يوجد عزل للاسف الشديد ولكنة عربية ممتاز جدا

م/ احمد زكي

أفضل سيارة في فئتها

Rated 5 out of 5
نوفمبر 28, 2021

أفضل نظام awd.
ادابتف كروز كنترول.
eyesight من أذكى انظمة الرادار.
xmode بينفع جدا فالطرق الصحراوية البسيطة والطينية واي طريق صعب.
ارتفاعها ٢٢ سم ودا الأعلى في فئتها.
شياكة جدا من جوا و فخمة.
زينون و srh ودلع
الحقيقة أفضل عربية حاليا بالسعر بتاع ٥٠٠ ل٥٠٥ لما زادت بقت ب٥١٥ مش عاجباني لكن هي تظل انها الأفضل كسعر وكقيمة.

سامي بدر

العربيه مريحه

Rated 4 out of 5
سبتمبر 18, 2021

افضل بكتير بعد التعديل ،جودة قيادة السياره مريحه جدا ً،
العربيه واسعه م جوه ومريحه
عوامل الامان ف العربيه رائعه

رحمه

الاسكندريه

Rated 1 out of 5
فبراير 8, 2021

عربيه سيئه للغايه بتاكل زيت كتير حسبي الله ونعم الوكيل فيهم زي ما بيضروا الناس الي بيشتريها مبيعرفش يبعها العربيه كارثه بكل المقايس

سامى الطاهر

القول الفصل فى سوبارو اكس فى بعد تجربة كل شئ

Rated 5 out of 5
فبراير 8, 2021

أقصى سرعة فعلية للسيارة لا تتعدى 190 كيلومتر فى الساعة وكانت سرعة لحظية للتجربة
ثبات العربية أكثر من رائع على أى سرعة العربية مستقرة وثابته جداً على الطريق
المناورة والفرامر على سرعات عالية حاجة كده ولا اروع ممتعة وتحسسك بالأمان والثقة الكاملة فى العربية
موضوع سخونية زيت الفتيس اللى بعض الناس اتكلمت عنه فى الموديلات السابقة ملوش اى أثر تماماً مع سفر حوالى 4 ساعات متواصل دون راحة على سرعات من 120 الى 180
موضوع ان الزيت بينقص وان كل المواتير البوكسر كده ده كلام ليس له اى اساس من الصحة انا حالياً ماشى بالعربية أكتر من 8500 كيلو على زيت الفابريكة ومتغيرش ولا مرة ولم ينقص سم واحد عن اعلى علامة فى مقياس الزيت
الشنطة فعلاً تعتبر صغيرة لو بتسافر كتير مع اسرتك او معاك أكتر من شنطتين سفر
العزل ممتاز لحد سرعة 120 ومتوسط لحد 150 ومش حلو لحد 180 وسئ لما وصلت 190 واظن ان ده بسبب ارتفاع العربية وصوت مقاومة الهوا على السرعات العالية
الراحة الداخلية والقعده فيها فترة طويلة سواقة مش متعب بالأخص فى وجود الأى سايت طبعاً
مثبت السرعة مع الأى سايت أخرة 180 كيلو متر سرعة مينفعش تثبت سرعة على أعلى من كده نهائى محدده من المصنع سوفت وير
الاى سايت فيه أكثر من اختيار للتسارع ( ايكو – كومفورت – نورمال – دينامك ) ايكو اقل تسارع واعلى توفير فى الاستهلاك اما دينامك فهو اعلى تسارع ممكن مع أعلى استهلاك وقود
الفتيس فيه نقله L بتعادل سبورت مود فى العربيات التانية ودى بتزود التسارع جداً بس على حساب استهلاك البنزين طبعاً
العربية سحبها والتسارع بتاعها اقل من العربيات الألمانى الحديثة بس بردو مش الفرق المزعج اللى يبعدنى عن العربية
التكييف أكثر من رائع من أفضل التكييفات اللى جربتها فى حياتى مع العلم انى كان معايا هوندا قبل كده
استهلاك البنزين فولت التنك بالكامل بنزين 95 من موبيل داندى مول قبل البوابات وطلعت لحد الساحل بجوار مارينا ورجعت وتبقى ربع التنك وكان مسجل 200 كيلو متبقية يعنى التنك بالكامل حوالى 800 كيلو وده معقول جداً فى السفر على سرعات

Ahmed Magdy

مميزات وعيوب اكس في

Rated 4 out of 5
فبراير 8, 2021

تم بحمد الله حجز XV 2016 Premium نبيتى استلام اخر مارس بإذن الله من ابوغالى فرع اسماعيلية الصحراوى ،شوفت العربية وبصراحة اتدلعت أفضل من الأول من تكييف تاتش وشكل الشاشة اعتقد إتغير للأفضل مع زينون (مش عدسات) حاسس إنه مش أصلى لكن مش مهم لأن الأهم الجلد وستارت انجين والتكييف التاتش مع الكاميرا الخلفية برأيى.
طبعاً المقارنة كانت مع إخوانا الكوريين واللي خرجوا من المنافسة بدرى بالرغم من القوة لأنها بدون العقل (عضلات بدون مخ) ، مع العلم بتجربتى لسبورتاج ٢٤٠٠ سي سي دفع رباعى بالسعودية لفترة لا تزيد عن ٣ أشهر إلا إن الوسع الداخلى لسبورتاج وتوسان لا يشفع لهم استهلاك البنزين ولا برمجة الجير العجيب وال ratio بتاعه ده غير أصوات المزيكا من الديكور وفتحة البانوراما وقساوة التعليق وأسعارها المبالغ فيها .
المهم تبقت القاشقاى بالرغم من إنها دفع ثنائى إلا إنها محترمة حتى بمحرك ال ١٢٠٠ سي سي لكن قلة المعروض و فشل التوكيل في تنظيم التسويق دفع أسعارها ل ٢٠-٤٠ الف أوفر برايس فطلعت لشريحة مش بتاعتها ومسألة التوربو تكون مضمونة في أى حتة غير مصر عشان البنزين فخرجت من المنافسة أمام الوحش اليابانى الذى بالرغم من ال ١١٤ حصان ومنظومة الدفع الرباعى التى تحتاج على الأقل لل ٢٠٠٠ سي سي إلا إنى بشوفها كافية بشوارع ودائرى المحروسة اللي أخره ٩٠-١٠٠ كم/ساعة والأهم ال ground clearance فى هذه الحال
أبرز العيوب من وجهة نظرى بال XV :
كان من المفترض إضافة عدسات بالمصابيح الأمامية
العربية قاعدة عجلاتها لو زادت ٣ سم كانت هتبقي أفضل مع بقاء الطول عند ٤٤٥٠ مم والشنطة لو كانت أكبر شوية بزيادة عرض السيارة من ١٧٨٠ مم ل ١٨١٠ كانت هتبقي حكاية ممكن ده يبقى بالأجيال القادمة إن شاء الله

yahia awad

سيارة اكثر من رائعة

Rated 4 out of 5
فبراير 8, 2021

احساس قيادة مختلف تمام

محمود السيد

ثبات رهيب جدا

Rated 4 out of 5
فبراير 8, 2021

محركها البوكسر يعطيها المزيد من الثبات فى السرعات العالية و الملفات عن تجربة

احمد طارق

العربية تحفة

Rated 4 out of 5
فبراير 8, 2021

العربية تحفة طبعا ( عفشة ناعمة رغم انها عالية – ثبات ملوش حل رغم انها اعلي خلوص عن الارض – اعتمادية جدا ومعمرة – عوامل أمان رائعة ويكفيها انها احسن كروس اوفر صغيرة في أمريكا ٢٠١٤ بس طبعا بالموتور ٢٠٠٠ )
عيوبها ( الانتريور مقارنة بالكوري ضعيف نسبيا -الصيانة كل ٥٠٠٠كم – نظرة المشتري في مصر غياب ريسيل- بس عايز أقول العربية بتبيع كويس جدا ولأول مرة سوبارو عليها اوفربرايس

حازم

تجربتي مع العربية

Rated 4 out of 5
فبراير 8, 2021

لو انت بتسافر كتير هتحتاج تركب مثبت سرعه بجد هيريحك كتير قوي
الحاجات اللي بتيجي مع العربيه اريال و استبن و عده و كوريك وكتالوج العربية و كتالوج الضمان
فيه نقله في الفتيس اسمها L مش عارف بتعمل ايه
المميزات
1- اقوي ميزه ان العربية ثابته جدا يعني مش بتعوم مش خفيفة في الملفات و السرعات العاليه انا بقول كده لان كان معايا فيرنا و كلكم عارفين الفيرنا سريعه قد ايه بس مش ثابته علي الارض خالص انما السوبارو ما شاء الله وهميه
2- AWD هتحس بقيمته اوي في المنحنيات و الملفات انا اول مره اعمل غرز امبارح .كنت بغرز علي 130 وا كاني ماشي علي طريق طوالي
3- العربيه مريحه جدا في السواقه لمسافات طويله مش هتحس باي تعب
4- عاملين مسند مريح جدا للرجل الشمال مكان دواسه الدبرياج
5- CVT من اهم مميزات العربيه اللي بيسوق اوتوماتيك هيحس بالفرق الكبير مفيش نقل تروس العربية ناعمه جدا بجد ميزه كبيره جدا
6- صوت الموتور ناعم بس ده علشان العربية لسه جديده الله اعلم الصوت هيعلي قد ايه
7- الكاسيت التاتش حلو بس لسه بكتشف فيه انا يادوب عملت bearing الاي فون عن طريق البلوتوث
8- طاره الدريكسيون handmade حلوه و متخيطه باليد فعلا الافضل تحط طاره علشان تحافظ عليها
9- انا مرضتش اقرص علي العربية امبارح رغم كده بتجيب 130 و بتحس انك ماشي علي 50
10- العربية واسعه من جوه تاخد 3 ورا مستريحين
11- نور الصالون معقول انا بفكر اجيب لمبات ليد اركبهم
12- الروف راك مخلي العربيه شكلها حلو
13- الجنط ال 17 بيخلي العربية متزنه الي حد كبير في الحفر و المطبات
14- التكيف حلو
15- عزل العربية كويس لو قافل الازاز مش هتسمع اي صوت من بره او هيبقي ضعيف جدا
16- نور التابلوه بشتغل اوتوماتيك حسب الاضاءه اللي بره
العيوب
1-تجميع السرعه بطيءيعني بتاخد قوت طويل شويه علشان تجري
2-الاستبن مش جنط
3-فيه منطقه عاميه
4-الشنطه مش كبيره قوي بس معقوله
5-الكلكس صوته واطي لدرجه انك لو قافل الازاز مش هتسمعه
6-الفرش اسود بيخلي العربية حر لازم تحط فرش فاتح
انا ركبت زينون في النور العالي و مش حاسس بفرق بس اعتقد علشان كان المفروض اسيبه شغال فتره لحد ما يقوي
7-اكسسوارات العربيه مش متوفره بسهوله انا حاولت اجيب دواسات سوبارو و ميداليه ملقتش. فيه دواسات في التوكيل بس غالين
8 اللي هيستلم جديد يطلع علي اقرب محطه بنزين يمون لاني امبارح قلت اسيب محطة التعاون و اروح محطه نضيفه البنزين خلص اضطريت اسيب العربيه في الطريق و اجيب جركن بنزين العربيه 60 لتر بتتفول ب 150 جنيه

حازم