تقييم شامل كيا سيراتو 2014 حتى 2016 -مميزات عيوب وأسعار ومواصفات

تجربه سيئه جدا فى صيانه السياره لما بتكون العربيه محتاجه حاجه داخل الضمان بهدله علشان يعملوها و فى صيانه ٥٠ الف عندى مشكله فى صوت داخل العربيه قالو اغير كوتش غيرته طلع مافيش عيب فى الكوتش رجعت الصيانه قالى فى حاجات سايبه فى العفشه مع ان المفروض العفشه يظبطوها فى الصيانه و عامه لحد دلوقتى مش عارفين يحلوا حاجه بصراحه تحربه سيئه

عايز اقول رأيي بصراحة بعد ال13000 كم بالسيراتو الشكل الجديد

اولا انا نازل من اوكتافيا يعني ظلمت السيراتو علشان الفرق ضايقني بس اتعودت عليها وعلى ثباتها، وللعلم هي مالهاش ديل رخم زي الاكسنت الار بي بس بتعمل حسابه وانت بتلف كأنك راكب نص نقل

2-ديلها خفيف زي ال2010 بس يمكن اتقل منه سنه يعني مع هاند بترووووووووووح

3- التسارع وهمي والكيك داون مالوش حل جبت بيها ال200 بس خفت منها (مقارنة بالاوكتافيا غرز على ال200 ومكلبشه فالارض ومالهاش اي ديل رغم كبرها)

4- حسيت ان فلوسها اكبر من قيمتها يعني حرام ادفع فيها 142000 جم بجد الاسعار في مصر بقت اعلى من معدل الرفاهية أو المنفعة العائدة عليك

5- لو رجع بيا الزمن تاني هاشتريها ومش هاشتري الشارك

6- نصيحة : حرام تدفع فعربيه كل ده ومايكونش عندك ولا ايرباج ولا حتى ايه بي اس يعني ماجتش عالخمسه الفرق مانتا دافع 142000زائد مصاريف الترخيص والكماليات

7- ماتغيرش الازاز وتجيب الفاميه علشان الفاميه ولا بيقلل درجة الحرارة جوه العربيه ولا حاجة ومابيكونش محكوم عالشباك زي الاصلي وساعات بيصفر فوق ال140

8- فراملها مش وهميه زي الشارك والاوكتافيا بس مش وحشة زي اللانوس والفيرنا بس الدواسه ساقطة لتحت سنه

بالنسبه للشارك احنا بننصح بيها لو معاك مبلغ لغاية 150 الف غير كدا لا ولازم الفئه اللي هتجبها في الشارك يكون فيها ABS لان حجم العربيه تقيل.

هنتكلم بقي عن عيوب الشارك >>

شنطه ضيقه ، صوت موتر عالي نوعا ما ، عزل سئ وقد يكاد سئ جدا ، فقيره جدا جدا جدا في الاوبشنز.

نخش علي مميزات الشارك >>>

عافشه ناعمه جدا من نوع مالتي لينك وديه بتديك ثبات كبير علي السرعات العاليه.

نخش علي السيراتو احنا بننصح بالسيراتو بداية من 160 فيما فوق هتاخد كماليات رائعه جدا هتحسسك فعلا انك راكب عربيه محترمه من طاره مالتي كامله وليدات وبتاع واذا كان شكل الجنوط.

هنخش علي عيوب السيراتو:-

في مشكله ساعات بتظهر لما تكون الطنابير الخلفيه حله زي صوت صفاره كدا ودا عيب تصنيع ولو رحت للتوكيل هيغيرهالك علي حسابه ، في ناس بتقول ان العربيه واطيه اوي لكن احنا بنركب 4 في العربيه مش بلاقيها بتحك الا لو المطب اللي عامل زي البرج دا.

نخش علي المميزات>>>

شكل ولا اروع ليدات بتخلي اي حد يعرفها وهيا جايه من بعيد عرببه فخمه جدا من الدرجه الاولي ، فتحة تكيف خلفيه اللي مش هتلاقيها في اي عربيه في نفس الفئه السعريه ، شفتات تديك اداء رياضي عالي ، تكييف تلاجه ، تقدر تحول مابين 3 وضعيات للقياده دا عكس الشارك الدركسيون بتاعها زيت وتقيل جدا جدا عكس السيراتو.

أسوء توكيل في مصر

انا كان معايا سيراتو 2015 قعدت 5 شهور و بعتها و ركبت شارك .. بعت السيراتو ليه لانها من وجهة نظرى تفتقد الثبات و مخيفه على السرعات العاليه و فراملها مش بالكفائة المطلوبة ده كان كل عيوبها معايا .. طبعا الشارك لعد مركبتها تتفوق بمراحل على السيراتو فى الجزئية ده ثبات عالى جدا و عفشه مالتى لينك محترمه و عربيه تقيله و فراملها ممتازة .. بس ده مش كل شىء ده اللى كان يهمنى لكن بصفه عامه السيراتو انعم بكتير ملهاش صوت نهائى عزل ممتاز دركسيون باور كهرباء تحس فيها بنعومه شديده ده غير موتور 130 حصان رهيب فى التجميع لدون مبالغه مفيش عربيه 1600 سىسى تقف ادام السيراتو الا لو تربو … كمان السيراتو واسعه صالون و شنطه اللانسر شنطتها ضيقه جدا و دركسيونها تقيل شوية و صوت موتورها عالى و عزلها متوسط يعنى تسمع صوت الموتور و الطريق بشكل ملحوظ اعتماديه اعلى فى اللانسر .. الشكل طبعا مسئلة نسبيه … فى النهاية انت عايز تاخد ايه مقابل فلوسك

انا حاليا مبسوط اكتر فى الشارك و كانت خطوه موفقه بالنسبه ليا لان يهمنى اكتر الامان و الاعتماديه و احس انى راكب عربيه راسيه بصراحه فى السيراتو كنت ببقى راكب الهوا …. غير ان احساس اليابانى فى النهاية مختلف … لكن فى غيرى ممكن يهمه اكتر النعومه و الرفاهيه و يركب عربيه يجرى بيها و ميسمعش صوتها … كمان بالنسبه لى الشارك شكلها احلى من جوه

الموتور ماعنديش كلام جديد أقوله من حيث الأداء لكن حابب أؤكد ان العربيه ماتعتبرش من العربيات الموفره في إستهلاك البنزين يعنى استهلاكها عادى , أفضل رقم ممكن تعمله هو 10 كم في اللتر , انا سواقتى هاديه الى حد كبير مابعملش كيك داون كتير ولا باجرى بسرعات عاليه لفتره طويله , مجربتش اسافر بيها او امشى بيها مسافات طويله وعموما اكيد في السفر الإستهلاك هايكون أفضل

– الفتيس سلس في نقلاته ومريح الموتور لكن حصلت معايا مرتين او تلاته انى دوست كيك داون في وقت غلط تقريبا فالفتيس نتش , بصراحه ماكنتش مركز انا كنت ماشى على سرعة كام او على اى نقله , اللى عنده خبره في الموضوع دا ياريت يفيدنا , وعموما هي ماحصلتش معايا غير مرتين تقريبا او تلاته في خلال الفتره دى كلها , وفى الوضع الطبيعى مابيحصلش اى نتش بين اى نقله والتانيه سواء كنت حارق من اول نقله او دايس بالراحه

– بخصوص الارتفاع عن الأرض فانا بصراحه كنت قلقان منه وحاسس ان مسيرها هاتحك منى لكن الحمد لله في ظروف مختلفه محكتش منى ولا مره

– بالنسبه للثبات اعلى سرعه وصلتلها كان 160 ودا ماحصلش كتير وماكنتش قلقان خالص ومتحكم في العربيه تماما , بس للأمانه في أيام بيبقى الهوا شديد جدا مابتقدرش توصل للسرعه دى ولتوضيح قوة الهوا فهو بيأثر في عربيات تانيه من فئة أعلى زى الأكورد

– العزل والفرامل , ممتازين مفيش جديد , والتكييف لحد دلوقتى كويس جدا درجة الحراره هنا بقت بتعدى ال 40

من فتره عملت الصيانه وهى عباره عن تغيير زيت وفلتر فقط وكانت مجانيه , الصيانه القادمه ان شاء الله عند 15 الف كم وفيها أيضا تغيير زيت وفلتر بالإضافه إلى فلتر الهوا والتكييف

نيجى للأهم من دا كله العربيه ظهر فيها عيبين واحد بسيط والتانى غير معتاد ومابيحصلش كتير ويعتبر عيب صناعه والحمد لله المشكلتين عدوا على خير

المشكله الأولى كانت ان الازاز الخلفى يمين مش شغال ولا من الباب نفسه ولا من وحدة تحكم السائق , وبزيارة التوكيل تم الكشف على المشكله وتغيير مكنة الازاز في الضمان مجانا

المشكله التانيه كانت غريبه ومفاجأه , كانت باحس برعشه خفيفه جدا في الطاره مع الفرامل على السرعات فوق ال 60 , بس ماكانتش مأثره على قوة الفرامل في حاجه , طبعا أول حاجه جت في دماغى دى أعراض طنابير ! بس قولت مستحيل , وبزيارة التوكيل تم الكشف على المشكله وفعلا تم تغيير الطنابير الأماميه والتيل الأمامى مجانا في الضمان