تقييم شامل سيارة فورد فوكاس 2021 و2022 -مميزات وعيوب و سعر ومواصفات

انا معايا مو ٢٢ أكثر من رائعه ولكن طبعا مش هتخش سبقات ولا مكاسرات انما ركوبه رائعه للسواقه المحترمه والسريعه برده بس مجربتش الفرك والهرس بتاع زمان

كان معايا فورد فوكس 2014 مانيوال بصراحه تجربتي معاها حببني في فورد ثبات وسرعه وامان وجودة خامات واداء متوازن بشكل عام ودلوقتي معايا فورد كوجا ولو اداء فوكس زي ال2014 ومع انه المفروض يكون افضل اكيد هتكون هايله بس للي مبيمشيش ورا الكوري واعادة البيع والكلم ده لكني لا اعرف كثيرا عن اداء المحركات ال3 سلندر

الفوكاس اللي جايه مصر دي الحقيقه معرفش منشأها ايه لكن اللي اعرفه كويس انها مش نفس مواصفات اللي موجوده في اوروبا او ع الاقل بريطانيا وخصوصا من ناحيه الموتور والفتيس – النقطه التانيه التسعير كان المفروض يراعي الكلام ده وده محصلش التسعير ده كان يبقي ممكن علي موتور ايكوبوست تربو 1500 وفتيس مختلف كانت هتبقى قنبلة – انما بالمواصفات اللي جت دي كل فئه محتاجه تنزل مش اقل من 20 25 الف جنيه عشان يدوب تبدأ تنافس – الحاجه الاخيره الفروق بين اسعار الفئات ضخمه جدا جدا

أنا شايف أن التوكيل بيجرب وبيشوف لو العربيه باعت بشكل مقبول حيجيب المواصفه الأعلى فى الموتور والفتيس وطبعا بأسعار أعلى لكن لو كان نزلها من الأول بالموتور الأقوى كانت حتبقى اسعارها زى الأوكتافيا قبل الزياده

وتبدأ من 400 الف وساعتها كانت حتخبط بشكل مباشر فى الأوكتافيا والناس كانت حتفضل اسم اوكتافيا عشان ليه شعبيه فى مصر من زمان اكتر من الفوكس وبعدين متنساش أن اوكتافيا جايه ناقصه ومتشال منها حاجات كتير لدرجه انها نازله ب 2 ايرباج لكن الفوكس جايه بمواصفات قويه وكامله

هى عربيه تحفه بس الشكل محتاج يبقي ثورى اكتر يبقي فيه حاجه تشدك او تلف نظرك شويه و كمان الموتور محتاج يبقي اقوى عشان يواكب المنافسين

انا متفق مع حضرتك في نقطه و مختلف في نقطة

اول نقطة هي كانت ممكن تنزل فئة بمحرك قوي للي عايز المتعه و الجري ذي ما سكودا عملت و نزلت RS

ثاني نقطة احنا في مصر عندنا شريحة كبيره من الناس مش بدور علي المحرك قد ما هي بدور علي السعر المناسب و الامكانيات الحلوه بس

للآسف طلعت بره المنافسه

موتور ١٥٠٠ عادي جدا ٣ سلندر

صيانات غاليه قطع غيار غاليه و غير متوفره.

اول فئتين هيبيعوا شويه … لان فورد اعتماديه في الأساس بعيد عن بعض مشاكل الايكوبوست

و لكن الركيب خلاص هيبعد عنها للاسف بعد الموتور المحبط

لو كانت ٤سلندر بالسعر ده كانت ممكن تنافس عربيات كتير في الفئه دي وخصوصا الارونا