قام موقع ملاكى باطلاق حملة ( #كفاية_جشع وخليها تصدى ) لمحاربة غلاء السيارات وجشع التجار وتناشد هذه الحملة المواطنين بمقاطعة شراء السيارات الحديثة بعد الارتفاع الجنونى فى الاسعار اللى اتعرضت ليه السيارات خلال فترة قصيرة حيث اصبحت اقل سيارة الان ثمنها لا يقل عن 145الف جنيه بينما كانت سابقا ب 55 الف جنيه فكيف تزيد سعر سيارة ثلاث اضعاف ثمنها فى وقت قصير ولما تسأل اى تاجر يقولك الدولار ومش الدولار وهو اصلا بيحسب الدولار على 14 جنيه فهو بيأمن نفسه لما بعد ويزود السعر من عنده وعشان كده التجار هم السبب الرئيسى فى زيادة الاسعار وليست حجة الدولار.
حيث وصل سعر كيا بيكانتو 124 الف ونيسان صنى 150 الف جنيه وشيفرولية كروز190 الف جنية بينما وصل سعر كيا سيراتو ل 245 الف جنيه وسكودا اوكتافيا 302 الف جنيه بينما سجلت كيا سبورتاج 400 الف جنيه فهل تعقل هذه الاسعار!! حيث تراوحت الزيادة فى ثمن السيارات المتوسطة من 20 ل50 الف جنيه بينما وصلت الزيادة ف السيارات الفارهة لاكثر من 75 الف جنيه واكثر.
وكانت بداية زيادة الاسعار عندما أقر البنك المركزى المصرى زيادة فى ثمن الدولار فى شهر فبراير من العام الماضى تقدر ب 7.87 جنيها للدولار فزادت السيارات بشكل طبيعى بنسبة 14% ولكن سرعان ماتضاعفت هذه الزيادة عندما عزز البنك المركزى المصرى قرار رفع سعر الدولار مقابل الجنيه بقرار اخر من شأنه التشديد على فتح الاعتمادات للاستيراد وعدم توفير العملة الخضراء وهذا ماجعل الوكلاء والمستوردين فى استخدام طرق اخرى فى تحويل الدولار الى الخارج بمصاريف وتكاليف اعلى مما ترتب عليه زيادة عالية فى ثمن الاسعار.
وصرح اللواء حسن سليمان رئيس شعبة السيارات بغرفة القاهرة التجارية ان هذا العام سيتراجع استيراد مصر من السيارات من 3.3 مليار دولار سنويا ل 1.5 مليار دولار سنويا وهو مايدعم الاحتياط النقدى بالعاملة الخضراء مقابل تقييد قطاع السيارات.
لذلك تقوم حملة ملاكى بالحث على تأخير قرار شراء السيارات الان لكى يكف التجار عن الجشع والمبالغة فى الاسعار فلو كل مواطن قال يلا اروح اشترى دلوقتى قبل ماتغلى تانى ماهو كده كده الدولار هيزيد ! لا ده مش صح انت كده بتساعد التاجر انه يتمادى ويزود الاسعار تانى لكن لو كله خد قرار واحد ده هيخلى التجار يتراجعوا ويبيعوا بالاسعار المقررة وعشان كده لازم كلنا نتساعد ونقف ضدد الغلاء والجشع.
وده لينك ايفنت حملة (كفاية جشع وخليها تصدى)
https://www.facebook.com/events/1113277162066284/?active_tab=posts