تقييم شامل هيونداي كريتا 2016-مميزات وعيوب و سعر ومواصفات

السلام عليكم .. كنت من فتره سألت عن هيونداي كريتا من حيث العيوب والمميزات وكانت معظم الردود مابين مؤيد ومعارض للموضوع فحبيت أشارك حضراتكم تجربتي الاولي مع السياره بعد 2000 كيلو في تقييم بسيط ونبدأ بالعيوب أول المشاكل علشان نبقي منصفيين

1- من اهم العيوب الي ممكن تواجهها في سياره جديده زي الكريتا هو الاشاعات وكثره الجدل علي سياره مش كتير جربوها ودي حلها الوحيد انك تكون مقتنع ومقرر الف في الميه انك تستمتع بالعربيه

2- وزن العربيه غير متناسق مع قوه المحرك زيها زي معظم السيارات كروس أوفر الي نزله الخليج 2016 وبالتالي العربيه بتعاني في فتره زمنيه بسيطه جدا لحد ماتاخد سرعتها أو بعد سرعه 80 كم/ساعه

3- التقفيل الداخلي للسياره متوسط والخامات المستخدمه متوسطه الجوده لكن لو تم مقارنتها بالفئه السعريه يكون الامر مقبول جدا

نيجي بقي للمميزات الموجوده في هيونداي كريتا من وجهه نظري المتواضعه

1- الفئه السعريه للسياره تعتبر اقتصاديه جدا خصوصا انها بتقترب من سيارات سيدان موجوده في الخليج زي كورولا وكنت احد مستخدمي الكورولا لمده 6 سنين

2- استهلاك السياره للبنزين تنافسي جدا جدا واقتصادي

3- بالنسبه للشكل الخارجي فهي اذواق تختلف من شخص لاخر لكن بالنسبالي فهو مقنع جدا وانسيابي خصوصا ان الصالون واسع ومريح

4- ثبات السياره بعد لحد سرعه 140كم /ساعه محترم جدا وبعدها بيقل الثبات علما بأن أقصل سرعه بالنسبالي كانت 165 ومحبتش اجازف اكتر من كدا حفاظا علي سلامتي وأسرتي

5- الوكيل في قطر ممتاز جدا وده شيء مهم

6- الكماليات والرفاهيه مقنعه بالنسبالي خصوصا لو قارنتها بالكورولا الفقيره يعني انا مش محتاج اكتر من كامير وسنسور وبلوتوث وشاشه وطاره ملتي وكراسي اتوماتيك

7- تكييف السياره فوق الممتاز

8-بالنسبه لشخص عايش في الخليج فجمارك السيارات بيكون عليها عامل كبير جدا والكريتا تعتبر حاليا من أفض السيارات الي ممكن تجمركها فيما لا يتعدي 80 الف جنيه مصري لموديل السنه

ودي كانت ملاحظاتي البسيطه علي السياره

زوجتي بدأت تتحرك بالكريتا وانا كنت مسافر اسبوع ورجعت لقيتها بتقولي على ملاحظتين في العربية ..

١- لما بيكون كل الازاز مقفول للنهاية وبتمشي على سرعة عالية بيحصلها طنين شديد في ودانها وده حصل لصاحبتها اللي كانت راكبة معاها في نفس الوقت وطبعا راح لما فتحوا الازاز شويه.

٢- وهو الازاز مفتوح تلتين فتحة وعلى سرعة بيحصل فيه هزة كأنه مش متثبت كويس في مجراه في الباب.

حد لاحظ الملاحظات دي.. واقتراحات الحل؟

اشارككم تجربتي مع الجميلة كريتا ..

نعومة السيارة . ممتازة جدااااا تستحق 9 من 10

الثبات في الطرق الوعرة . ثبات اكثر من رائع وتستحق 9 من 10

نظام العزل الخارجي والضوضاء . كنت اتمني ان يكون افضل من ذلك مع السرعه تزداد الضوضاء نسبيا داخل السيارة وتستحق 7 من 10 فقط ..

تقفيل السيارة الداخلي ضعيف نسبيا مقارنة بالتوسان او السبورتاج ..

عدا ذلك فالسيارة اكثر من رائعة …

السيارة ممتازة ومتميرة من حيث ( الشكل الخارجي والداخلي – أرتفاع السيارة حيت أن الأرتفاع يفيد في عدم تأكل من الأسفل أو الاحتكاك بالمطباط – قوة الماكينة متوسطة بالنسبه للبودي الخارجي ) ممتازة

بالنسبة لتجربتى للسيارة موديل 2018 ، وماشية الى الان 2000 كلم ، فالسيارة ممتازة جدا ، وعمليه جدا و موفرة جدا جدا فى استهلاك البنزين ، كما انها معقولة جدا فى المساحة الداخلية فليست صغيرة وليست كبيرة ، و العيب الوحيد الذى لاحظته كما لاحظه اخرون انها مع السرعات العالية و الزجاج بأكمله مغلق تشعر ببعض الضوضاء والهواء داخل الكابينة ، وكأن الشبابيك غير محكمة الاغلاق ، كما ان الخامات البلاستيكية المستخدمة فى داخل الصالون ليست بالفخامة المتوقعة .غير ذلك فالسيارة فوق الممتازة