تقييم شامل رينو كادجار 2019 -ميزات عيوب

كنت فى نفس حيرتك بالظبط ، العربيتين فى السعر ده كويسين جدا ، كل عربيه فيها حاجات اعلى من التانيه مثلا:

الرينيجيد: شكلها مميز مش بقول حلو ولا وحش لكن مميز ، موتور اقوى ، options اعلى “نسبيا” ، ماركه او بادج اعلى من الرينو ، تقفيل داخلى افضل من رأيي الشخصي.

الكادجار: اوسع وبكتير ، انعم الى حدا ما ، منتشره اكتر “لو النقطه ديه مهمه يعنى” ، ارخص من حيث الفئات ، شكلها الخارجى احلى “رأي شخصي بحت”

موضوع التسارع طبعا مش هيفرق الا لو هتجيب اعلى فئه فى الرينيجيد غير كده قريبين من بعض على قد ما افتكر.

علشان كده انا كنت شايف الاختيار صعب فانا الحقيقه مش عارف اللى بيقول اكيد على اى من العربيتين جايب التأكيد منين 😂

فى الأخر لأن واحده من اهم اولوياتى كانت المساحات وخصوصا الشنطه اخترت الكادجار

انا مالك للكادجار وقبل ما اجبها عملت تست دريف لعربيات كثير منها الي مع اصحابي ومنها الي عملتلها تسيت زي التوسان والاسبورتاج والفاو والجاك والقشقاي الاسبرنزا الجديده وكل ده لاني كنت بفاضل في العربيات واخرهم كان الزوتي لاني قلت اوفر فرق الفلوس الي هدفعها واركب حاجه صيني بصراحه والله وبدون تحيز وعمري متحيزت لعربيه بركبها ملقتش افضل من الكادجار قيمه مقابل امكنيات ووسائل امان ورفهيه هخدها منها غير الباقي كله في الفاضي الصيني مفهوش امان زي مزكرت لحضرتك كله انوار وشويه دحك علي الناس من الاخر قلت حرام ادفع فيه لانه مش قيمه مقابل سعر يعني ميستهلش المبلغ الي بيندفع فيه ثانيا الاسبورتاج والتوسان هلي شان اركب فئه مقاربه للكادجار في وسائل الامان محتاج ادفع ٥٨٠ الف علي الاقل يعني فرق ١٣٠ الف وفي الاخر مش زي الاروبي وحط تحت كلمه اروبي دي مليون خط في وسائل الامان لان وسائل الامان عندهم مفيهاش لعب يعني تلاقي وسائل الامان في اقل فئه زي اعلي فئه والعب كله في الرفهيه بس الفشقاي مشكلتها معايا في الفتيس ال سي في تي مع اني كنت راكب قبلها فلونس ٢٠١٦ بنفس الفتيس بس اتخنقت منه لانه عاوز ناس عوجيز شويه مش بتاع حرق وجري وده سبب انه بيبوظ من ناس كثير وترجع تقلك ان المشكله انها بتجيب فتيس بالعكس هي محترمه جدا جدا بس الي بيفهم يعني ايه سي في تي

أنا كان عندي قشقاي والله وهي تقريبا قريبة جدا من الكادجار ودالوقت عندي هايما S5

وعن تجربه الهايما أحسن في السحب بكتتتييير وثبات ممتاز ومساحات معقوله لكن القشقاي كانت أنعم في المطبات وأقل استهلاك بنزين وطبعا فرق السعر حوالي 150 ألف ودا مبلغ كبييير