تقييم شامل سوزوكي سياز 2015-ميزات عيوب

السياز تكييف و كاسيت ديجيتال و بصمة و ستارت انجين و مرايات ضم و اشارات فى المرايا و الفرش جلد فى قماش و اكر نيكل و جنط 16 اسبور وليس طاسات و تكييف خلفى و ستارة خلفية و تحكم فى ارتفاع اضاءة الفوانيس و فوج ﻻيت و 2 ايرباج و ABS و EBD و 1400 سى سى و بلوتوث و مالتى فانكشن و طارة جلد طبيعى وسير كاتينه جنزير وانذار داخلي يشتغل لو العربيه اتفتحت فقط وليس حساس صدمات وفتيس اوتوماتيك و انوار عند القدم بتنور لما تفتح باب العربيه وصالون واسع جدا وشنطه خلفيه كبيرة جدا مساحتها 510لتر و موفرة جدا في البنزين حيث انها وصلت مع غالبية ماليكيها الى 18كم للتر الواحد والتكييف من النوع الاوتوماتيكي ذاتي الضبط وباللمس ولا يؤثر اطلاقا على سحب العربيه، والفرامل حساسه جدا و اعتماديه ( طبعا انا بقول اللي حصل معايا في عربيتي ).

والسحب بتاعها ممتاز وما تحسش ان في فرق عن ال1600 خالص.

و خامات الصالون ممتازة وخامات التابلوه بلاستيك من نوع جيد جدا والفرامل ممتازه واستجابتها سريعة جدا.

تم استلام السياره من معرض باوفر برايس ثلاثه الاف من حوالى 20 يوم واسياره عامله حاليا 1300 كيلو وان شاء الله صيانه آلاف خلال الأسبوع ده..

أولا العيوب….

1- احساس بضعف أبواب السياره عند غلقها من الداخل فقط مع العلم أن الصاج من الخارج محترم ومدعم بقضبان فولاذ من الجوانب ومعالج ضد الصدا ودى ميزه جامده مش موجوده فى سيارات كتير..

2 علو كرسي السواق بنسبه بسيطه بالمقارنة بسيارتى القديمه اسبرانزا 516A

3 عدم وجود اناره فى زرارير الأبواب (زجاج وضبط المرايا وزرار اللوك وضم المرايا) ما عدا زرار فتح زجاج السائق .

4- عدم امكانيه رؤيه كبوت السياره أثناء القياده..أعتقد أن ده مش عيب بس بيفرق شويه مع السيدات.

5- ضم المرايا مش مع الوك ولكن بزرار من الداخل فقط. كتير كنت بنسا وبفتكر بعد ما اغطى العربيه بس خلاص اتعودت ..مسأله تعود أسبوع على الأكثر. .

——”””—-”ثانيا المميزات—-””’—

1 – سحب ممتاز جدا فى التسارع من الصفر أو فى حاله محاوله عمل خرزه وما شابه…

2-عفشه جميله جدا وعزل من الداخل بيفصلك عن خارج السياره تماما

3- وسع صالون يصلح لكل الأحجام بدون مبالغة مع حجم شنطه رهيب

4- اماكن تخزين فى كل حته انا لسا لغاية دلوقتى بكتشف أماكن جديده ومكان خاص للنضاره أعلى مرايا الصالون .

5 – مكان usb مع plug للشاحن ومكان للكانز مع غطاء ليكمل شكل التاليه وباناره داخليه جميله عند فتحه. وتكيف خلفى مع مكان للشاحن

6-تقفيل وخامات التابلوه محترم جدا ..بيحسسك بفخامه وشياكه.

7 ثبات السياره بجد روعه فى كل أحوال السواق والله يا جماعة يقارن بالسيارات الالمانى كده..

8-نعومه الموتور وهدوء الصوت حتى مع السرعات العاليه ..بجد موتور محترم..

9- استهلاك البنزين حوالى من 300 إلى 320 كيلو للصفيحه داخل المدينه يعنى فى حدود من 6 إلى 6.5 لتر لكل 100 كيلو. ومعلش للسفر مش عارف افيد كم علشان لسا مسفرتش بيها..

10- باور الدريكسون بيتقل مع زياده السرعه ..يزود الإحساس بالثبات

11- انا مش عارف الفتيس نوعه ايه بس انا شايف انه فتيس ذكى يعنى لو عايز تقرص على الغيار هتعرف بسهوله ولو عايز الغيار يكون عند المعتاد rbmحوالى 2.2 برده بسهوله ..

13-نظام الصوت السماعات نقى جدا بس مش عالى اوىى. .

1 – الكراسى جلد مع قماش وشيك جدااا.

عربية ممتازة

العيب الوحيد

توكيل رمة الرمامة فى الصيانة

برغم إني من الناس اللي اشتروا السياز ب 123 ألف في أول 2015 يعني العربية معايا داخلة على سنتين و فعلاً زي مابيتقال العربية دي فعلاً ماشاء الله عليها شكلا و مضمونا لكن لما يبقى في حاجات صغيرة مضايقة الواحد و متوقع انها تتحل بسهولة عن طريق الوكيل و يتصدم بقلة الحيلة يبقى الواحد متغاظ! – دبدبة العفشة: رغم إني سألت كذا حد على العفشة و قالولي ان الصوت ده لايعني وجود مشكلة في العفشة و لكن أنا من النوع اللي أبسط صوت في العربية بيبقى بالنسبالي دي جي في فرح شعبي ….بعد طول انتظار و الحاح شديد تمكنت من تغيير طيش الميزان مجانا في الضمان بعد ما قالولي ان هو ده السبب الرئيسي لصوت الدبدبة اللي قدام …. و انا في التوكيل طلعت أجربها معاهم والمفاجأة إن الصوت زاد عن الأول !! و قالولي هنسجل الصوت و نبعتو الهند و نستنى ردهم …. لاهو الصوت مكانش اتبعت للهند في العربيات اللي كانت بتشكي من نفس القصة ! – تزييق الكرسي: و الله الناس محترمة في التوكيل … غيرولي المسمار إياه 3 مرات ( كل مرة أقولهم يا جماعة المسمار ده أكيد مش هو السبب يقولولي لأ هو بس الدفعة اللي فاتت مكانتش أحسن حاجة ) و برضه صوت التزييق موجود و سخيف جدا – تنسيمة الهوا: لما كنت بمشى بالعربية فوق ال100 كنت بسمع صوت هوا داخل من الباب اللي جنبي و كنت مكبر دماغي لحد ما سافرت بيها شرم الشيخ و طبعاً ماشي على متوسط سرعة 120 – 140 …. لأ كتير جداً الصوت فعلا مزعج بالذات لو سايق فترة طويلة … قمت لما رجعت روحت التوكيل أبلغهم بالقصة دي …. و ياريتني ما بلغتهم …. كنت شايفهم بعينيا بيهبدو و يرزعو في الابواب زي مايكون عليها عفريت !! روحت سائل المهندس قاللي ماتقلقش الناس دي عارفة بتعمل إيه و انت ليك الصوت يروح … و فعلاً استلمت العربية و مشيت بيها و مجهودهم كانت نتيجته مبهرة … بقيت أسمع صوت الهوا بعد ال 80 مش ال 100 و الجديد بقى إن الصوت ظهر في ال 4 أبواب أعمل و أروح لمين