تقييم شامل رينو لوجان 2015 -ميزات عيوب

سلك البنزين و انا لسه مكملتش 14 الف كم مع العلم اني اشتكيت كتير من ان الدواسة خشنة و استجابتها ضعيفة جدا (تقيلة في الدوسة و مبنرضاش ترجع!!!) من اول يوم اشتريت فيه العربية…..و كل مره التوكيل بيقولي الدواسة مظبوطة و انا اللي مش عارف اسوق المهم الدواسة علقت في الارض امبارح و مرضيتش ترجع و اما شغلت العربية الRBM نط علي الخط الاحمر علي طول نتيجة ان سلك البنزين محشور جو المجري بتاعه و شابك جوه و شعره واحدة فقط هي اللي الشابكة في الدواسة المهم بعد تغيير السلك اداء الدواسة اختلف 360 درجة في الواقع بقت دواسة بنزين بجد و استجابتها سريعة جدا لدرجة الزنة اللي بتظهر فيها اما الRBM علي 3 رجعت تظهر تاني و ده لا يعني سوي شئ واحد ان انا شاري العربية زيرو بسلك بنزين بايظ مش مترب لأ بايظ لأن انا عمري ما حسيت ان الدواسة ناعمة زي دلوقت

– العربية للمرة التانية في اقل من 5000 كم شرطتين بنزين و 9 لتر كمية متبقية و 90 كم لحد ما التانك يفضي و العربية مفيهاش نقطة بنزين, المرة الاولي اللي العربية فيها عملت كده كانت بعد صيانة ال10000 مباشرة و مباشرة ده تحديدا بعد يومين من الصيانة و 150 كم مشي المشكلة ان انا فولت العربية لحد زورها ب 53 لتر بنزين و هي كان فاضل فيها لتر من لترين حططهم فيها عشان اوصلها للبنزينة تتفول المهم جربت العربية لمسافة 80 كم الكمبيوتر فرأ ( بعد التصفير) اني استهلكت 6.4 لتر يعني المفروض اللي يبقي فاضل في التانك بحسب بسيطة 47.6 لتر الكمبيوتر بقي بيقول ان اللي فاضل 44 لتر يعني 3 لتر و نص اختفوا !!!!! (التانك بتاعي مش مخروم علي فكرة و البنزينة انا واثق فيها), المشكلة ان لو فاضل 44 لتر بس في التانك المفروض شرطة من شرط البنزين تقل للأسف هم كلهم كاملين!!!!!!!

– العربية بعد العك اللي حصل فيها ده حاسس انها بتكتك او بمعني ادق صوت التكتكة بتاع المحرك بقي اعلي انا مش عارف ده تسقيف و لا ده الصوت الطبيعي بتاع المحرك بس علي اي حال هو صوته علي و الاداء تقريبا زي ما هو و العربية مبتدخنش (ملاحظة بسيطة لترين البنزين اللي حططهم في العربية عشان اوصلها للبنزينة كانوا من نوع ردئ لأني كنت واخدهم من توكتوك بعد ما البنزينة رفضت تعبيلي بنزين في ازازة لدواعي امنية مع ان التوكتوك اللي انا واخد منه البنزين كان واخده من البنزينة!!!! )

انا اشتريت لوجان 2013 الشكل السابق زيرو والفرامل زبالة رحت التوكيل قال ده رجلاش فرامل اليد ومشيت يدوبك وصلت للبيت باظت ولازم اضغط اكثر من مرة علشان تجمع والكلام ده حصل فى صيانة 5000

الشكل الخارجى والصالون

طبعا شكلها ده هو اللى جايب لينا الكلام علشان فعلا مميز جدا عن الشكل القديم والصالون وااسع وخاماته جيده وفقا للفئه السعريه الشنطه اجمل حاجه فيها خصوصا لو واحد متجوز ومعاه عيال زى حالاتى

العفشه مريحه وعلو العربيه عن الارض ميزه كبيره فى شوارعنا لا تقولى بقى اركب عليات ولا الشغل ده

الموتور نفس القديم 8 صباب 1600 انا بتكلم عن المانويال طبعا صوته عالى ودى حقيقه بس ناعم لو انت بتاع جرى وبتمشى 180 والشغل بلاش تجيبها لوسمحت علشان مش هترضيك لو انت تلاتينى زى حالاتى رايق كده هاتها وانت مطمن

بالنسبه للتكيف كنت حاسس انه مخنوق فى الاول نضفت الفلتر وظبط الشحن فى التوكيل وبقى جميل طبعا لو نازل من كورى مش هيعجبك تكيفها حاول تلبس اقطان ههههه

نيجى بقى للشكاوى المتكرره القطمه نزلت فى عدد قليل من العربيات فى 2014 واول 2015 ولو عندك التوكيل بيغيرها ضمان

تنفيس الشكمان فى ناس عدت ال25000 وراح بعد ماالشكمان كربن

ايه تانى؟؟؟

لما تكسر الدركسيون جامد فى رعشه عاااااادى علشان البور محمل على المكنه

قطع الغيار غاليه؟

بص لوهتقارن بالكورى يبققى غاليه هتقارن بالاوروبى تبقى معقوله واللى يركب لازم يدفع

الخلاصه

رينو لوجان عربيه عائليه تصلح للطرق المصريه والاوزان الخرافيه وفيها شويه اوبشن زى الفل

شكرا

رائعةةة

حقيقى سياره رائعه وعمليه ومناسبه جدا لطبيعة الطرق فى مصر،واجمل حاجه جربتها فيها انى اكلت مطب مش صغير انا ماشى بيها على سرعة 100كم ومحستش انى اكلت حاجه خالص

بسم الله الرحمن الرحيم اتمني ان يكون هذا التقرير المختصر مفيد لكل من يرغب في الشراء او التحديث انا كنت امتلك رينو لوجان 2012 سوداء كامله مانيوال و اول ما نزل الشكل الجديد بحمد الله قمت بالتجديد وذالك لعدم قبولي بالشكل القديم ولكن اسباب شرائي للشكل القديم هي نفس الاسباب الي تخليني اشتري الشكل الجديد وبالعكس بدون تردد عشان الشكل القديم كان يتفوق على كل سيارات الفئه السعريه لكن شكل السياره لا يقارن حيث هو الاسواء في المقارنه …..ولابد الاخذ في الاعتبار انها سياره سيدان متوسطه الحجم اوربيه اقتصاديه للبلاد الفقيره منتجه اصلا من شركه داتشيا احدى شركات رينو الفرنسيه مثل نيسان وسامسونج وتسوق في معظم دول العلم تحت اسم داتشيا لوجان ماعدا مصر والبرازيل رينو لوجان وتصنع في تركيا و رومانيا و المغرب وحديثا الجزائر رينو لوجان تعد من وجهه نظري عربيه مليئه بالامكانيات بسعر مناسب و معايير سلامه اوربيه ممتازه وتفتقر قديما في التصمميم لكن مو 2014 تصميم فرنسي بحت و تعتبر تحديث لرينو سيمبول ماعدا المحرك المتواضع او القديم 1.6 لتر 90 حصان 8 صباب كامه واحد كامه لوجان 2012 فول اوبشن الشكل القديم المحرك تسارع متواضع اول وتاني اما تالت ورابع جيد واستهلاكه للبنزين معتدل لكن صوته مرتفع لحد الازعاج وتوجد نعره في الغيرات الولى مصحوبه برعشه في دواسه البنزين العفشه ممتازه وناعمه وارتفاع السياره بيجمد قلبك مع اي طريق خصوصا الطرق الوعرهالثبات ممتاز حتى 160 كم راسيه ماشاء الله الصالون تصميمه قديم لكن يتسم بوسع وخصوصا يظهر فى الدخول والخروج من السياره وده لارتفاع السقف يحس بميزه الصالون طوال القامه بس الكراسي متعبه شويه مع المسافات الجير بوكس مقبول مش سلس و مش معقد لكن يعيبه رعشه خصوصا في وضع الثبات العزل داخل الصالون جيد ولكن المحرك غير معزول تماما وده مزود الازعاج داخل الصالون التكييف يدوي اداءه جيد بس مش زي الكوري الكاسيت قديم شويه لكن كل حاجه فيه احسن من اي كاسيت في نفس الفئه السماعات عاديه المالتي فنكشن فى الطاره ممتاز واختراع والكلاكس فى دراع النور بشوفو ميزهالقياده لا توجد بها اي متعه بحس انى راكب شاهين موديل 2012 الباور تقييييييييل جدا بس عاطي ثبات للعربيه بس بالنسبه لي مملالاضاءه عاديهوسائل الامان اير باج واحد للسائقفتح تنك البنزين بالمقتاح فقط لوجان 2014 هاي لاين نافجيشن المحرك نفس الاداء ولكن حاسس اني في تعديل النعره مش موجوده ونفسه اطول في النقل سنه بسيطه وتم عمل عزل داخلى للمحرك ممتاز مع تعديل الكابوت بدراع هيدرولك لسهوله الفتح و القفل العفشه نفس الداءالصالون تصمميم ممتاز وتحس ان الطابلوه عالى زي طابلوه ال301 والعددادات غنيه جدا نفس عددات الفلوانس 2010 مع تعديل زراير التحكم فى الزجاج في الابواب بدل من الكونسول في الموديل القديم والكراسي افضل بكتير من اللوجان القديمه الجير بوكس نفس الداء كان نفسي يكون احسن شويه العزل ممتاز فعلا من كل النواحي العربيه اصبحت غواصه التكييف اليكتروني فيه حسساسات لتعديل درجه الحراره الداخليه مع الحراره الخارجيهالاضاءه اوضح واحسن بكتير مع وجود الداي لايت فى لمبه صغيره على طول منوره ودي مواصفات اوربي الباور انعم بكتير من اللوجان القديمه الكاسيت النافجيشن بجد بدعه اخترع جميل كان في اي فون في الطابلوه كل السماء بتظهر واضحه عند ورود مكالمه والنافجيشن شغال حلو اوي اوي كل خرائط مصر مزوده عليه بجميع اسماء الشوارع .. السماعات ممتازه فعلا افضل من القديمه الملتي فانكشن في الدريكسيون زي القديمه اختراع ممتازفي متعه للقياده عن القديمه فتح تنك البنزي

سيارة عمليه مقارنة بسعرها وامكانياتها وعمليه بالنسبه للطرق فى مصر وقطع غيارها مرتفعة بالنسبه لبعض الماركات الاخرى وسحبها فى السرعات الاولى متوسط

العربية بالنسبة لي بعد استعمال سنة جيدة جداً، أول ارتفاعها عن الأرض حلو جداً، ثباتها ع السرعة كويس وفي الملفات معقول جداً.

سعرها مقارنة بقوة الموتور فيها ممتاز.

التكييف كويس ولا يؤثر على جري العربية وسحبها.

إجمالا عربية ممتازة.