تقييم شامل عن بيجو 3008 -ميزات عيوب

1-اللون ألاحمر جوة المعرض حاجة وعلى رصيف المعرض حاجة

وعلى الاسفلت حاجة

ماشاء الله لون مميز جداااا

2- المساج فالسيارة ماشاء الله مستوياته مبهرة وتخليك عايز تستجم وتأنتخ كل يوم ساعة كدة يظبطلك مودك وينشط الدورة الدموية

3- الميموري طبعا والكراسي الكهرباء ميعرفش متعتهم غير الناس الكسولة انها تظبط الكرسي وعايزة تظبط القعدة وتجرب طول ماهي سايقة

4- الساوند سيستيم (( واحد في كل الفئات ))

شىء من الخيال

نقاء وبيز عالي جدااااااااااا

أحلى من الاكس وان بكثيررر

شغلت شوية تراكات متعود أشغلها من على الموبيل

الله أكبر فعلا

5- في 4 بروفايل بتقدر تختار من كل واحد اعدادت الشاشة والعدادات والمساج والاضاءة حتى ظبط الصوت نفسه بيتعمله حفظ جوة كل بروفايل على حدة

بس اللي ضايقني انه مش بيكنترول ظبط الكرسي وده غريب بالنسبالي لانها كانت موجودة فال 320

انا من ملاك بيجو 3008 من سنة 2013 بالنسبة لقطع الغيار فيها نقص بس مش لكل قطع الغيار يعني قطع غيار الميكانيكا موجودة اما في بعض الأحيان القليلة اوي بتبقى حاجة ناقصة والتوكيل بيجيبها بعد 10 ايام على الاكتر، انما في بعض الاجزاء زي الزجاج او المريات او الكرتيرات الخ الخ الخ مش بتبقى موجودة بس بصراحة هي عربية في مجملها ممتازة سرعة وثبات وتسارع فوق الوصف يعيبها ضعف في الكماليات واولهم الشاشة ال ايه دي مش موجودة وحاطط شاشة لونين، الجنوط 17 وكان ممكن تبقى 20، بتنزل من غير زينون ولما كلمت التوكيل قالوا إن فرنسا رافضة حتي مناقشة الموضوع ده، اما قطع الغيار مش موجودة بره التوكيل

عربية بجد ممتازة، أنا عندي peugeot 3008 موديل 2015. هتكلم عن المميزات الأول، بما اني بنت فأول حاجة بصتلها الشكل، طبعا عربية شيك جدا و تصميمها زي المرسيدس و أحلى، و فتحة السقف او ال panoramic view حب من أول نظرة تحس كدة انك راكب convertible بس مع التكييف، طبعا العربية عندها مودز حسب الأرض اللي بتمشي عليها سواء كان ثلج أو رمل إلخ…

ثبات العربية جميل جدا و التسارع ممتاز و السبورتس مود بتحس انك راكب mustang و الكابين شكله حلو و ممكن تتحكم في الصوت و القنوات من ورا مقود القيادة ، و أحد أم الحاجات اللي عجبتني كمان كانت الشاشة الصغيرة اللي بتبين المعلومات المهمة عليها عشان تفضل عينك عالطريق

أه نسيت كمان في بلوتوث بيتوصل بالتليفون و في سنسور ركنة بيقيسلك الأبعاد بالظبط

أما بقى بالنسبة للعيوب، فأولها هو ان كرسي السائق مش مريح جدا خصوصا لو هتضرب مشوار 4 ساعات متواصل، و مفيش third row seat بس شنطة العربية كبيرة جدا جدا، و كمان موتور العربية بيعمل صوت و البعض ممكن يشوفو ده ميزة، و التكييف مش بكفاءة التويوتا نظرا لاني عايشة في الخليج لكن أظن لجو مصر هيكون متاز ، و أخيرا الaccessories مع ان شكلهم جميل و غالي غير ان لقيت ان بعض الحاجات متلزقة و بتقع بعد فترة زي المطاط اللي على الابواب