تقييم شامل سكودا أوكتافيا A7 -ميزات عيوب

العربيه جابت طقم دبرياش الحمد لله علي كل حال frown emoticon frown emoticon النهارده الصبح بشغل العربيه عادي جدا لقيت الصوت دا الصراحه الواحد زعل جدا ان الواحد يبقي شاري عربيه بأكتر من ربع مليون ويتلعب فيها ميكانيكيا انا صورت الفيديو دا عشان الي يسمع الصوت دا يجري علي التوكيل طبعا انا رحت التوكيل رحت مركز سكودا في المحله لان لو كنت رحت ارتوك اوتو كنت هرتكب جريمه رحت اول ما المهندس سمع الصوت لقيتو بيقولي دا العربيه واكله مطب طبعا بيحاول يلبسني المسؤوليه باي طريقه وبعد مشاده كلاميه قالي طب ثواني ادخلها الورشه بعد شويه لقيت مدير الورشه والمهندش المشرف طالعين بيقولوي العربيه جابت فيتيس طقم دبرياج طبعا الخبر وقع علي زي الساعقه بس الحمد لله بعد كدا ودا الي عمل المشكله لقينا مدير المركز بيقولي احنا كلمنا ارتوك اوتو بيقولو ان قطعه الغيار مش متوفره وانها لسا هتطلب من التشيك وهتاخد 3 شهور يعني ادفع ربع مليون عشان العربيه تتجرش 3 شهور طبعا فضحت الدنيا وهددتهم ان العربيه لو متعملتش انا هروح لحمايه المستهلك لقيتهم بيقولو طب ثواني نتصل تاني كدا قالولي خلاص القطعه هتيجي بعد بكره وهتاخد 4 ايام تركيب انا حبيت انقل ليكو تجربي واهم حاجه ياجماعه ال 1400 cc فيها عيب صناعه وبتجيب فتبس وصدقني هتجيب معاك نصبحه بجد الي معاه ال 1400cc يبيعها قبل ماتجيب فتيس معاه انا شفت اكتر من 10 عربيات في الورشه المهندس قالي انهم كلهم حايبين فتيس بجد حسبي الله ونعم الوكيل ادفع المبلغ دا كلو عشان اتبهدل بالعربيه في التوكيلات واتخانق مع الناس بقيت عامل زي العربجي عشان اجيب حقي اسف اني طولت عليكم والحمد لله علي كل حال

مشكلتها الفتيس الدي اس جي . القديمه ال1600 احسن في الحته دي . غير كده العربيه جميله

العربيه سعرها من 210,000 ل 280,000 طبعا قابل للزياده و النقصان

موتورها 1600 سى سى من غير تيربو بيولد 110 حصان

اول فئة بتبقا بطاسات و اوكر و مرايات سودا و بيبقا شكلها وحش اوى و انا شايف انه عيب على سكودا انها تنزل اول فئة بالشكل ده

.

تانى فئة ب 245,000 تقريبا و دى بتنزل بجنوط 16 و بتبقا المرايات و الاوكر بلون العربيه و طبعا بيبقا فيها اوبشنات زياده عن اول فئة

.

الليجانس بقا بتيجى ببانوراما و فوانيس ليدات و برضه فيها اوبشنات زياده عن الفئات التانيه

————-

نيجى بقا لرايى الشخصى :

طبعا العربيه هى الوحيده فى فئتها اللى من غير تيربو و دى ميزه و عيب فى نفس الوقت طبعا معروف عيب ليه و ميزه عشان مشاكل و بنزين التربو

طبعا تعتبر اعتماديه شويه عن العربيات المنافسه ليها

اوكتافيا عامة معروفه من زمان و الاوكتافيه بالذات ليها مكانه خاصه عند المصريين و العربيه الوحيده المحترمه و فى نفس الوقت اعادة بيعها و سوقها ممتازين

العربيه فيها اوبشنات كويسه

و برضه هى اكتر عربيه ممكن تضمن انها تمشى ببنزين 92 من غير مشاكل

.

العربيه حجمها صغير من برا لكن واسعه من جوه و طبعا دى ميزه ان يكون حجمها ملموم من برا و واسعه من جوا

عفشتها تورشن بيم و دى طبعا نقطه سودا للعربيه لكن رغم انها تورشن بيم لكن ثباتها كويس جدا

و برضه نازله باتنين ايرباج بس و دى برضه نقطه سودا للعربيه لكن فى نفس الوقت العربيه امنه و واخده خمس نجوم فى اختبارات التصادم

.

لحد كدا كويس لكن اقولكم بقا اللى مش مخلينى مقتنع بيها :

العربيه سعرها مبالغ فيه بشكل كبير اوى يعنى المفروض سعرها ينزل من كل فئة من 10 ل 20 الف

تانى حاجه العربيه شكلها مش ملفت للنظر ابدا ابدا و حجمها برضه صغير بشكل غبى

.————–

قطع غيار العربيه غاليه اوى

و موتور العربيه بتكنولوجى من 20 سنه بس طبعا ال a7 وزنها بقا اخف شويه من الفانتازيا و بقت رفيعه كدا فمقاومة الهوا قلت و زودوها 8 حصان فالموتور بقا صاحى شويه

.

العربيه متشال منها اوبشنز كتير و برضه فى اوبشنات فى الكورولا اللى سعرها اقل منها مش موجوده فيها

.

.

طبعا العربيه مش وحشه لكن برضه بالنسبه لسعرها مش حلوه

يعنى العربيه دى مثلا متتقارنش بعربيه زى الفيوجن و الانسيجنا و ال 508

انا شايف ان اللى يجيب الاوكتافيا المفروض يبقا لظروف خاصه

.

زى مثلا مش عايز عربيه تربو

او اهم حاجه عنده قطع غيار متوفره

او البنزينات اللى فى بلده مش مضمونه اوى

.

بصراحه دول الحالات اللى ممكن تجيب ال a7 فيها غير كدا شوف بقا الفيوجن و الحاجات دى