تقييم شامل شنجان V7-ميزات عيوب

اعتقد ان كل ملاك السيارة بيشكروا فيها وعايز اعرف السيارة دفع رباعى ولا امامى لانى قرات فى موقع اخر انها دفع رباعى 1600cc

—————————————–

فريق ملاكي:السيارة سحب أمامي فقط

اولا انا كنت راكب 128 وبعدها هيونداي ايتن مانوال عمري ماسوقت اوتوماتك وانا منالنوع اللي مبحبش اجري اخري حتي لو الطريق فاضي 110 واحب استمتع بالطريق والسواقه رحله البحث عن السياره ابتدت شهر1 2015 ايام الرخص وكانت الاختيارات فيرنا ولانوس ولوجان وصني ولوجان كانت هي اللي عاجباني ونزلت شوفتهم كلهم بس الحمد لله حصل ظروف ماديه اخرتني بس من ساعتها والعربيات واكله دماغي وشغال بحث ودخل في المقارنات عربيات تانيه زي جرانتا واوبترا وسي اليزيه وافيو وسياز ولانسر وخلصت كل تقارير نايل موتورز ومصر موتورز وملاكي وكونتاكت كار فاضي بقي سنتين عمال اقري تقارير والخلاصه كانت اني ابعد عن عربيه تقفيل مصري مع كامل احترامي بس كلها عيوب وبالتالي شلت الفيرنا ولانوس وصني وجرانت واوبترا كلهم تقفيل مصري اما اللوجان فهي تقفيل مغربي بس للاسف ملينه عيوب وليست فرديه زي ترشيح الموتور زيت قطمه دركسيون ونتشه الفتيس وصوت الموتور العالي فشلتها من المقارنه اتبقي سياز وشارك وقعدت محتار بينهم كتير لحد ما الاسعار ضربت ضربه سودا وخرجوا من الرينج اللي انا اقدر عليه وقعدت اقول اخد احسن الوحشين وافكر في اللانوس تاني والصني هعمل ايه الاسعار جنونيه مفيش لحد ماظهر الوحش الصيني عجبتني طبعا جدا بس القلق من اي عربيه لسه جديده وصيني كمان فكنت شايلها من اختياراتي بس متابعها تقارير المهم حددت اختياراتي مابين فيرنا ولانوس في حدود 155 الف وفضلت متابع الوحش طبعا وتقارير واراء الملاك وبعدين لاحظت ان الحمد لله مفيش عيوب كبيره في عيوب صغيره ولاتخص الميكانيكا ودي مهمه بالنسبه لاي حد يعني رجه دركسيون مع الفرامل ومش كل العربيات حاجات لو قارنت بعربيات ليها اسم. هتستغرب والله زي الصني واللوجان وانا عضو في الاتنين جروب مشاكل كتير انما الوحش الصيني الحمد لله لقيت حاجات والله بسيطه جدا واستغربت والله منها وبحثت بقي بعمق واكتشفت ان شانجان مملوكه للحكومه الصينيه وانها شركه عاليه اوي هناك والله الكلام ده من واحد معرفه بيسافر الصين ومكانش بيعترف باي عربيه صيني والله بس شاجان اللي شكر فيها والله بس نزلت اتفرجت عليها وكانت المفاجاه بدون مبالغه والله اي حد هيتفرج عليها لازم يتفاجء الخامات جودتها عاليه اوي شكلها خارجيا وداخليا فوق الممتاز والله حضرتك لو شيلت العلامه وحطيت علامه اي ماركه ياباني او الماني الناس هتصدق عادي مستوي فعلا فارق كتير عن عربيات اتفرجت عليها في نفس المره عشان اقارن بي واي دي وجيلي واوبترا وافيو ولانسر والله مايجو حاجه فيها خالص والحمد لله بفضل الله جبتها طبعا عشان ماسوقتش اوتوماتك قبل كده فكنت مضايق من ان سحبها ضعيف ورجه الدركسيون خفيفه وعملت صيانه الالف وهنا كانت نقطه التحول للعربيه التقرير بقي عشان طولت عليكو الشكل الخارجي جذاب جدا الناس بتوقفني والله تسال ايه العربيه دي الشكل الداخلي فخامه وشياكه فعلا والله مش موجوده في عربيات اغلي منها بكتير والله ببقي فرحان وانا قاعد جواها الحمد لله العربيه ماشاء الله لا حول ولاقوه الا بالله واسعه جدا جدا الدركسيون تحكمه حلو اوي وبيستجيب كويس جدا وضعيه السواقه ممتازه وكاشف الطريق كله ومرتاح كمان والمرايات كبيره العفشه حاجه كده زي سجاده علاء الدين وتاخد مطب هوا تحس حد بيدلكك فوق الممتازه والعربيه ماسكه نفسها تحس ان كلها كتله واحده مفيش بقي اصوات تزييق ولا الكلام ده الموتور شديد بس عايز واحد يسايسه العربيه علي السرعه القليله عاديه مجرد ماتعدي 70 بجيب اي حد علي الطريق مهما كان والله راكب ايه بتحس الموتور اتحول وبيديك استجابه غير متوقعه لدرجه والله بشيل رجلي من على البنزين

السيارة ١٦٠٠ سي سي بقوة ١٢٥ حصان ٩١ نيوتن نزلت مصر فقط اوتوماتيك فئة كمفورت اول فئة اوتوماتيك السيارة ممتازة من كل اتجاة افضل من سيارات كتير ياباني وكوري وتستحق تقييم افضل من ٥ نجوم وانا من الملاك وكان معايا الماني قبلها العربية دية صيني بنكهة الالماني

العربيه خامات و تقفيل عالي جدا عكس ما توقعت

الصالون و الابواب بدون مبالغة احسن من عربيات تحت مسمى ياباني كانت موجودة في المعرض

و لكن التجربه خير دليل و هي الي هتعرفنا تستحق ام لا

و خاصة هي في فئه سعريه منافسه ال 115 الف جنيه

هي بصراحه صعب تقنعني خاصة أنها صيني بس ليه لأ ما دام هيكون في تطور