“ميني باص أونلاين” يهدد مافيا الميكروباص

لوزهقان من قيادة سيارتك ومش لاقي ركنة عند شغلك، ولو مش قادر على فلوس التاكسي، كل حاجة هاتختلف بعد إطلاق تلك الخدمة الجديدة وهي “الميني باص” أونلاين.

الخدمة تم إطلاقها منذ أيام قليلة، وهي عبارة عن توفير ميني باص عند الطلب، كخدمة شبيهة بـ”أوبر” و”كريم”، يتم من خلالها توفير الأتوبيسات الصغيرة المكيفة، يقودها سائقون على درجة من الاحترافية والاحترام اللى بنعانى من عدم وجودها فى اغلبية سواقين الميكروباص.

وتتميز تلك الخدمة بانخفاض التكلفة، و زى قالت عنها الشركة المطورة فهي “تجمع بين الراحة اللي بتلاقيها في التاكسى وتوفير الأتوبيس”.

خطوات استعمال الخدمة:

أولا: حدد المكان اللي هتركب منه، والمكان اللي هتنزل فيه.

ثانيا: حدد عاوز توصل إمتى، وعاوز ترجع تاني إمتى.

ثالثا: قم بتسجيل البيانات المطلوبة وهي الاسم ورقم التليفون والإيميل والرقم السري، أو يمكنك التسجيل بحسابك على فيس بوك.

رابعا: سيتم تأكيد طلبك، ويمكنك إرسال هدية بقيمة 25 جنيه لأحد أصدقائك.

ويقوم فريق العمل بتكوين مجموعات حسب أماكن التحرك والوصول، وبمجرد اكتمال كل مجموعة سيقوم فريق العمل بالاتصال بك وإبلاغك بتكلفة الخدمة، التي يتم تحديدها وفقا لطول المسافة وعدد المشتركين.

الخدمة يمكن استعمالها من خلال الموقع الإلكتروني للشركة، أو من خلالتطبيقها على متجر جوجل بلاي.